More Information
महापालिकेची परवानगी न घेता पावसाळ्यापूर्वी इमारतींवर उभारण्यात आलेल्या वेदर शेडस् तात्काळ काढण्याचे आदेश महापालिका आयुक्त संजीवजयस्वाल यांनी दिले आहेत. दरम्यान वेदर शेडस् न काढल्यास प्रति महिना रू. ५ हजार रूपये दंड आकारण्याचे आदेशही त्यांनी अतिक्रमण विभागाला दिले.
आज झालेल्या आढावा बैठकीत श्री. जयस्वाल यांनी याबाबत स्पष्ट करताना महापालिकेची परवानगी न घेता पावसाळ्यापूर्वी ज्या वेदर शेडस्उभारण्यात आल्या आहेत त्या वेदर शेडस् पावसाळा संपल्यानंतरही काढून टाकण्यात आलेल्या नाहीत त्या तात्काळ काढण्याच्या सूचना दिल्या. तथापिसदरच्या वेदर शेडस् काढण्यापूर्वी संबंधितांकडून मुळ रक्कम रूपये ५ हजार आणि दंडाची रक्कम रूपये ५ हजार असे दहा हजार रूपये वसूल करण्याचेआदेशही त्यांनी यावेळी अतिक्रमण विभागास दिले.
दरम्यान महापालिकेच्यावतीने सूचना दिल्यानंतरही वेदर शेडस् काढल्या नाहीत तर त्या महापालिकेच्यावतीने काढण्यात याव्यात आणि त्याचा खर्चसंबंधितांकडून वसूल करण्याच्या सूचना देतानाच श्री. जयस्वाल यांनी ज्यांनी पैसे भरून फक्त पावसाळ्यात तात्पुरते वेदर शेड उभारण्यासाठीमहापालिकेची परवानगी घेतली आहे त्या शेडस् ही तात्काळ काढण्याचे आदेश दिले.
Comments
Post a Comment